Ermitiako leizeko argazkiak

Egin KLIK
https://plus.google.com/u/0/photos/112158160045069335989/albums/5817000462883901921


Ikusi azken argazkiak!!!

Ermitiko leizean gaur ateratako argazkia dira

Akuandiko Leizera Irtera

Akuaundiko leizea

 Gaurko honetan Urbasa barrenean egin dugu gure ekintza. Beñat, Leku, Erea, Cheriff eta Txito izan gara ekintza hau burutzen.

Goizean goiz bertaratu eta 10:00 ak inguruan sartu gara kobazulo barrenera. Barruan, gaurko honetan arnesik gabe ibili gara.

Kobazulo honek barrenean bi laku ditu. Bata bestea baino politagoa, baina gaurko honetan lehenengo lakua erabat lehorra zegoen.Uda honetan izan diren lehorteak ikusirik ez da batere harritzekoa egoera hau. Ala ere esan behar erabat harrituta geratu garela.

Bi lakuak pasa eta gero,  laku bat gurutzatu behar da bidean aurrera jarraitu ahal izateko, baina gaur ez da uretan sartu beharrik izan. Oso ur gutxi bai zegoen.

Hemendik aurrera bidea erabat estutzen da eta guretzako behintzat kobako saltsa guztia asten da. Erea eta Cheriff, tope ibili dira zati honetan. Esan behar da azkeneko zatia Beñat eta Erearen artean egin dutela eta besteak ondoko salatxo batean geratu garela.

Kobatik atera eta Lakuntzara joan gara Txitoren etxean bazkaltzera.

On egin!!!!! Eta  Barkatu ama!!!!!

ARTAZULGO ARROILAREN BIDEOA

ARTAZULGO ARROILAN GOITIK BEHERA

Goizeko 6:30 etan elkartu ginen, nola ez Ordiziako Gaztetxean. Irurtzun aldera joan ginen eta gure ekintza burutzeko ezin bestekoa genuen arroila bilatzen asi ginen. Neoprenoak jarri eta bi kotxetan igi ginen errekaren goi aldera.

Guk kontrakoa uste bagenuen ere, errekak oso ur gutsi zuen eta nahiko lehorra zegoela konturatu ginen.
Rapel elegante batekin asi eta errekan bera joan ginen tobogan eta saltoen artean, azken rapel handira iritsi eta berriz kotxera iritsi arte.
Ekintza oso ondo atera zen eta bazkaldu ondoren ordiziako bidea artu genuen.
Argazki gehiago:

https://plus.google.com/u/0/photos/112158160045069335989/albums/5759966618941166289

ZATOR RAFTIN EGITERA

OHARRA:  OSTIRALEAN ATERA ORDEZ LARUNBATEAN ATERAKO GARA.


Interesa azaldu duen parte handi batek, ostiralean ateratzea posible ez duela ikusita, larunbat goizera pasa dugu irteera eguna.


Zatoz Rialp Herrira Raftin egitera!!!!!

Uztailaren 14ean kataluniar pirineoetan dagoen Rialp herrian egingo dugu gure hurrengo geldiunea.

La “Nogera Pallaresa”errekan behera jaitsiko gara baltsa  batean sartuak eta ekintza segurtasunarekin burutzeko arduradun profesional bat izango dugu bide lagun.

17km ko bideaburutuko dugu 3 orduz ur bizietan, baina hau egiten hasi baino lehen,segurtasunaren inguruko txarla bat jaso beharko dugu. Egoera bakoitzaren aurrean ze neurri hartu argi eta garbi edukitzeko.

Partaide guztiak, Antolatzaileek utzitako neoprenozko trajea, txalekoa eta kaskoa jarri beharko ditugu. Guzti hau ekintza burutzeko ezin bestekoak izango direlarik.

Ekintza hau burutu ahal izateko ezin bestekoa da igeri egiten jakitea. Bestalde 18 urte baino gutxiago baldin badituzu zure gurasoen baimena ekarri beharko duzu.Baimen horri hori guri eskatu beharko diguzularik.

Egitaraua:

Uztailaren 14a Larunbata.  10:30 etan irtengo gara Rialp herrirantz. Bidean bakoitzak eramandako bazkaria jateko geldialdi bat egingo dugularik.

Bertara iristerakoan  bertan afaldu  eta alberge batean lo egingo dugu. Goizean gosari eder bat egin ondoren, aiguadiccio enpresako profesionalak izango ditugu bide lagun.

Ekintza burutu ondoren , etxerako bidea hartuko dugularik. 

Bidaia,afaria, albergea, gosaria eta Raftin ekintzaren kostua oraindik zehaztear badago ere, 90,00€ ingurukoa izango da.

Hau dena jende kopuruaren arabera egongo da eta geroz eta jende gehiago geroz eta merkeagoa aterako da.

Izena emateko barkatuama@euskalerria.org helbidean edo 600650740 telefono zenbakian eman beharko dugu. Gauzak behar bezaza egiteko kontu korronte batean 50,00€ ko diru sarrera bat egin beharko dugu, fidantza moduan.  azken eguna Uztailak 6 ostirala izango da. Azken eguna iritsi arte izena ez ematea, tradizioa bihurtu bada ere, guretzako errazagoa izango da denbora pixka-batekin  aurreikustea jende kopurua.

Informazio gehiago:  www.aiguadicciorialp.com  elbidean aurkituko duzue

ANIMATU !!!!!

Barkatu Ama Espeleologia Elkartea

ondarreko zuloko Bideo bat

Bideo Onetan ikusi dezakegu, Ondarreko zuloan zer nolako eguna pasa genuen.

Berriz joango gara eta espero dugu ur gutxiago egotea, kobako azken zatia ikusi ahal izateko.

Besterik gabe

Barkatu Ama

Lurazpiko lehen manifestaldia

Lurazpiko lehen manifestaldian, Subilanako akuiferora arte jaitsi da Fracking Ez Araba.
Fracking Ez Araba Plataformak aurrea pausu berri bat eman du Historian lurazpiko lehen manifestaldia egin duenean, modu horretan Subilanako akuiferora heldu delarik.

Ekainaren 9ko abenturak bi abiapuntu izan zituen. Lehena, Gasteiztik heldutako espedizioarena, Guinean 9.30tan elkartu zena, bertako biztanle batekin Arkamoko Mendizerrako bidea hartzeko. Bigarren taldea, Kuartangoko Bailaratik zetorren, Arrianotik, alegia. Bi taldeak kobazuloko sarreran elkartu ziren akuiferoa defendatzeko asmoarekin. Lehen pausua, jakina, sartu aurretik ekipo osoa jantzea izan zen.
Kobazulora sartu zirenetik, sei ordu iraun zuen abenturak. Lehendabidiz, pareta batetik sokaren bitarten 40metro jaitsita, kilometro erdi ibiltzeko ostean. Jaitsiera berri bat egin zuten, 8 metrotakoa, berriz ere 200 bat metro ibiltzeko eta azkenik beste 15 metro jaistieko asmoz. Une horretan taldea akuiferora heldu zen. Nahiko poliki joan zen espedizioa, elkartu ziren lagun kopuruagatik, 14 pertsonek osatu baitzuten taldea, 13 sartu ziren eta beste lagun bat kanpoan geratu zena.
Akuiferoan bertan, egunaren una mamitsuena heldu zen. Bertan puztutako txalupa batekin, akuiferoan zehar ibili ziren plataformako kideak bertako defentsa egiten zuten pankarta batzuk erakutsiz. Ur honen balioaren aldarrikapen bezala, hainbat kopa atera zituzten bertako urarekin brindisak egiteko. Helburua 72 hektometro kubiko dituen, hots, Urrunagako urtegia 100% beteta egongo balitz bezala, erreserva honen garrantzia azpimarratzea izan zen. “Lurrazalean ikusi ezin badaiteke ere, honaino jaitsi gara bertan dagoela erakusteko eta oraindik kutsatu gabe dagoen akuifero honetaz goxatu ahal izateko”, azaldu zuen plataformako kidea den Mikel Otero.
Banan-banan kobazulotik ateratzen joan ostean, Hegoalderuntz abiatu zen taldea Arkamoko Mendizerraruntz, eguna Barronen parrillada batekin bukatzeko asmoz.
Egitasmo honen helburua errekurtso honen garrantzia argi erakustea izan zen. Akuiferoa Arabarentzat estrategikoa den erreserba bat da eta egun arrisku handian dago Eusko Jaurlaritzak EVEren bidez ez ohiko gasa ustiatzeko aurrera eraman nahi dituen ustiapen planen ondorioz.
Fracking Ez Arabako aldarrikapen hau burutzeko, aurretik froga fisiko eta teknikoa burutu egin zen behar diren berme eta ziurtasun guztiekin egian ahal izateko. bestalde ere, joan zen taldean espeleologian jarduna zen jendea bazegoen.

Eman zure iritzia Erreskateen inguruan!!!!

Bideo honetan ikusi dezakegun bezala, kobazuloetan ardura handiz ibili beharra dago.

Erreskateak ordaindu edo ez ordaindu, gai interesantea dela argi daukagu baina bideo honetan ikusi dezakegu zenbateko esfortzua eskatzen duen honelako egoera batek. Ondo legoke bakoitzak bere iritzia emango bagenu erreskateen inguruan.

Gai honekin saltsa pixkat sortuko dugulakoan, barkatu ama

Kobatan Par Pixkat

EMAKUMEA ETA ESPELEOLOGIA

Kaixo Lagunak

Gaurko honetan, espereologi munduan, emakumeak izan duen presentzia eta indarra erakutsi nahi dizuegu.

Jakin badakigu munduan zehar, emakume asko  dagoela espereologi munduan lan bikainak egin dituztenak eta film labur hau izan dezake horren erakusle.

Film hau Espainian egina da, bereziki Andaluzian. horregatik gaztelaniaz jartzea ezinbesteko zaigu.   Barkatu hondo dakigu zein den eta zein ez den gure hizkuntza eta.

Besterik gabe eta film labur hau gustukoa izango duzuelakoan

Barkatu ama